SulFix

Fyrirtækja logo Orkuveita Reykjavíkur
Orkuveita Reykjavíkur
14. ágúst 2019

SulFix-aðferðin, er hluti af verkefninu Gas í grjót, og felst í að leysa brennisteinsvetni upp í vatni og dæla því djúpt niður í basaltberglögin við Hellisheiðarvirkjun.

Heimsmarkmið sem tengjast verkefninu

Verkefnalýsing

SulFix-aðferðin felst í að leysa brennisteinsvetni upp í vatni og dæla því djúpt niður í basaltberglögin við Hellisheiðarvirkjun. Þar losna efni úr basaltinu sem bindast brennisteinsvetninu og mynda stöðuga steintegund, glópagull, innan tveggja ára. H2S er þannig steinrunnið í berggrunninum til frambúðar. Þessi aðferð er ódýrari en hefðbundnar hreinsunaraðferðir á þessu jarðhitalofti og leiðir til langtímabindingar þess. Kolefnisbindingin í CarbFix verkefninu leiddi af sér SulFix sem aukaafurð þegar Orkuveita Reykjavíkur þurfti að mæta kröfum um minnkaðan útblástur brennisteinsvetnis frá jarðhitanýtingunni. Vísindafólkið þróaði þá samsvarandi aðferð, kölluð SulFix, fyrir brennisteinsvetni.

Markmið verkefnis

Helsta markmið verkefnisins er að stuðla að sjálfbærri nýtingu jarðhita; með sem allra minnsta losun brennisteinsvetnis (H2O) á sem hagkvæmastan hátt.

Hvenær er áætlað að markmiðinu verði náð?

Nú er brennisteinsvetni hreinsað frá fjórum af sex aflvélum Hellisheiðarvirkjunar og unnið er að því að tengja þær tvær sem eftir standa við hreinsikerfið. Þegar því lýkur verður nánast allt brennisteinsvetni hreinsað frá Hellisheiðarvirkjun. Á árinu 2018 voru því um tveir þriðju hlutar alls brennisteinsvetnis í jarðgufunni sem í gegnum virkjunina fór bundinn sem grjót djúpt í jörðu með sama hætti og koltvíoxíðið. Þessa hafa sést skýr merki í loftgæðamælingum.

Mældur árangur

Magn H2O frá Hellisheiðarvirkjun sem dælt er niður í berggrunninn og bundið í jarðhitageyminum er mælt.

Tengdir hlekkir

Þessi síða notar vafrakökur Lesa meira