Að virkja jafnréttið í Landsvirkjun

Fyrirtækja logo Landsvirkjun
Landsvirkjun
1. júlí 2019

Markmiðið er að verða til fyrirmyndar í jafnrétti. Ná ekki aðeins árangri í kynjahlutföllum og launum heldur einnig í menningu, samskiptum og vinnuumhverfi.

Heimsmarkmið sem tengjast verkefninu

Verkefnalýsing

Úttekt á stöðu jafnréttismála í Landsvirkjun, ekki aðeins á mælanlegum þáttum eins og kynjahlutföllum og launum, heldur einnig á menningu, samskiptum og vinnuumhverfi. Unnið var með Jafnréttisvísi Capacent. Allt starfsfólkið kom að því að rýna og móta hugmyndir um það hvernig ná mætti árangri og hvað þyrfti til. Sett var fram aðgerðaáætlun jafnréttis, með markmiðum og mælikvörðum til þriggja ára. Samhliða voru kynnt 17 umbótaverkefni sem byggðu á hugmyndum starfsfólks um það hvernig ná mætti árangri í jafnréttismálum fyrirtækisins. Umbótaverkefnin snerta margvíslega þætti fyrirtækisins. Meðal annars má nefna að hafin var vinna við að tryggja að vinnuumhverfi höfðaði til allra kynja, texti og myndefni í atvinnuauglýsingum voru endurskoðuð í sama augnamiði, ráðningarferlið var endurskoðað með tilliti til jafnréttis, fræðsla um jafnréttismál var gerð hluti af nýliðaþjálfun, mentorkerfi var komið á laggirnar og tryggt var að sumarfólki af öllum kynjum væru boðin sambærileg verkefni.

Markmið verkefnis

Sett hafa verið markmið í sex flokkum, um stöðu kynja í mismunandi stjórnunarlögum, framgangs- og mentorkerfi, ráðningarferlið, menningu og umhverfi, fræðslu um jafnréttismál og fyrirmyndir.

Hvenær er áætlað að markmiðinu verði náð?

Aðgerðaáætlunin með markmiðum og mælikvörðum er til þriggja ára, kynnt 2018 og gildir til 2021.

Mældur árangur

Sett hafa verið mælanleg markmið sem skoðuð eru og fjallað er um í fyrirtækinu árlega.

Tengdir hlekkir

Þessi síða notar vafrakökur Lesa meira